Prezident Shavkat Mirziyoyev Toshkent — Samarqand yangi avtomagistralining tamal toshini qo‘yish marosimida qatnashdi, bu haqda uning matbuot xizmati xabar berdi.
Hozir ikki shahar o‘rtasidagi safar qariyb besh soat davom etadi. Yo‘l foydalanishga topshirilgach, safar vaqtini 2–2,5 soatgacha qisqartirish, tekislik qismlarida ruxsat etilgan tezlikni 150 km/soatgacha belgilash rejalashtirilgan.
Oliy «A» texnik toifadagi avtomagistral olti polosali — har bir yo‘nalishda uchtadan bo‘ladi. Qurilish ishlari 2026–2032-yillarga mo‘ljallangan.
Loyihaning umumiy qiymati $2,185 mlrd deb baholanmoqda. Yangi yo‘l yo‘nalishning o‘tkazuvchanligini oshirishi va Toshkent bilan Samarqand o‘rtasidagi transport aloqasini yaxshilashi kerak.
