O‘zbekiston Ichki ishlar vazirligi Markaziy bank bilan birga 29 trln so‘mning noqonuniy chiqib ketishini oldini oldi, deb xabar berdi hukumat portali.
Maxsus tizim jinoyatlar bilan bog‘liq 18 838 ta bank kartasini bloklash imkonini ham berdi.
Hisobot davrida xodimlar 9 282 ta kiberjinoyatni fosh etdi. Yana 4 011 ta jinoyat tashabbus asosida aniqlandi.
Huquqni muhofaza qiluvchi organlar 13 mingdan ortiq fuqaroga yetkazilgan 120 mlrd 496 mln so‘mdan ziyod zararni qopladi.
Internet tahdidlari va kiberxavfsizlik bo‘yicha profilaktika kampaniyasi 23 mln dan ortiq kishini qamrab oldi.
IIV hay’ati amalga oshirilgan ishlarni yetarli emas deb baholadi. Rahbarlarga fuqarolar murojaatlarini chuqurroq o‘rganish, kiberjinoyatlar sabablarini tahlil qilish va xodimlarni raqamli tahdidlarga qarshi yangi usullarga o‘rgatish topshirildi.
