Nordwind aviakompaniyasi Qozondan Samarqand va Namanganga to‘g‘ridan-to‘g‘ri reyslarni yo‘lga qo‘yadi, deya tashuvchi ma’lumotiga asoslangan xabarda aytiladi.
Samarqandga parvozlar 26-avgustda boshlanadi. Namanganga yangi yo‘nalish 5-sentabrda ochiladi.
Moskva va Sankt-Peterburgdan keluvchi yo‘lovchilar ham Qozon aeroportida almashib, O‘zbekistonning ushbu ikki shahriga yetib borishi mumkin bo‘ladi.
Nordwind hozir Qozondan Toshkentga ham parvoz qiladi. Tatariston poytaxti aeroporti aviakompaniyaning tayanch aeroportlaridan biri bo‘lib, tashuvchi u yerda tranzit yo‘nalishlar tarmog‘ini rivojlantirmoqda.
