Buxoro viloyatining Qorako‘l tumanida abituriyentni tibbiyot yo‘nalishining to‘rtinchi kursiga kiritib qo‘yish evaziga 26 mln so‘m olayotgan shaxs ushlandi, deya Bosh prokuratura huzuridagi Departament xabar berdi.
Idora talqiniga ko‘ra, u boshqa bir fuqaroning ishonchiga kirib, Qozog‘istondagi oliygohlardan birida birinchi-uchinchi kurslarda o‘qiganlik haqida qalbaki hujjatlar tayyorlashni taklif qilgan.
Gumon qilinuvchi yuqori lavozimlarda ishlaydigan tanishlari orqali Buxoro Innovatsion ta’lim va tibbiyot universitetining to‘rtinchi kursiga o‘qishga kiritib qo‘yishini aytgan.
U pulni olayotgan vaqtda ushlandi. Departament 26 mln so‘m ashyoviy dalil sifatida olinganini ma’lum qildi.
Jinoyat kodeksining 25 va 168-moddalari bo‘yicha firibgarlikka suiqasd hamda 28 va 211-moddalari bo‘yicha pora berishga dalolat qilish yuzasidan jinoyat ishi qo‘zg‘atildi. Tergov harakatlari davom etmoqda.
