Oliy Majlis Senati soliq organlari tomonidan tadbirkorlarning bank hisobvaraqlari bo‘yicha operatsiyalarni to‘xtatib turish tartibini o‘zgartiradigan tuzatishlarni ma’qulladi.
Soliq organi sudga murojaat qilmasdan operatsiyalarni faqat soliq to‘lovchining roziligi bilan to‘xtata oladi. Tadbirkor e’tiroz bildirsa, masalani iqtisodiy sud hal qiladi.
Kompaniyaning e’tirozi olinganidan keyin soliq organiga da’vo kiritish uchun uch kun beriladi. Arizaga aniqlangan qoidabuzarlik dalillari ilova qilinishi kerak.
Tuzatishlarda qoidabuzarlik bartaraf etilgach, hisobvaraqni tezkor tarzda blokdan chiqarish ham nazarda tutilgan.
Tuzatishlar Soliq kodeksi va Iqtisodiy protsessual kodeksga taalluqli. Yangi tartib biznes xarajatlari va sudlar yukini kamaytirishi kutilmoqda.
