2026-yilning ikkinchi choragida O‘zbekistonda uy-joy narxlari uch oyda 1,3%, yillik hisobda esa 4% oshdi, deya ko‘rsatmoqda Milliy statistika qo‘mitasi ma’lumotlari.
Birlamchi bozorda narxlar chorak davomida 0,7% va bir yilda 7,1% ko‘tarildi. Ikkilamchi bozorda o‘sish mos ravishda 1,6% va 4,2% bo‘ldi.
Toshkentda kvartiralar chorak davomida 1,3%, yangi uylar esa bir yilda 5% qimmatlashdi. Viloyatlarda kvartiralarning choraklik narx o‘sishi 1,1% ni tashkil etdi.
Poytaxtdagi xususiy uylar narxi chorak davomida 0,7% pasaydi, biroq yillik hisobda 1,2% oshdi.
Milliy statistika qo‘mitasi Xalqaro valyuta jamg‘armasi metodologiyasi va gedonik regressiya usuliga o‘tdi. Indeks endi uy-joy maydoni, qavati, xonalar soni va joylashuvini hisobga oladi; 2024–2025-yillar ko‘rsatkichlari qayta hisoblandi.
Hisob-kitob uchun har chorakda qariyb 150 mingta e’lon ishlatiladi. Toshkent bo‘yicha ma’lumotlar to‘liq OLX.uz dan olinadi, Adliya vazirligining haqiqiy bitimlar haqidagi ma’lumotlari esa faqat segmentlar ulushini belgilash uchun qo‘llanadi.
Qo‘mita hozircha bir kvadrat metrning o‘rtacha narxini e’lon qilmayapti. Indeks ma’lumot uchun xizmat qiladi va muayyan obyekt qiymatini emas, narxlar dinamikasini aks ettiradi.
