O‘zbekistonda 2026-yil yanvar–iyun oylarida 18,3 milliard kub metr tabiiy gaz qazib olindi. Bu o‘tgan yilning shu davriga nisbatan 16,4% kam.
Neft qazib olish 3,1% kamayib, 313,8 ming tonnani, gaz kondensati 19,7% kamayib, 462,1 ming tonnani tashkil etdi. Ko‘mir qazib olish 2,5 million tonnagacha tushdi, bu 2025-yilning birinchi yarmiga nisbatan 16,7% kam.
2024-yil yanvar–iyun oylariga nisbatan gaz qazib olish 18,7%, neft 13,9%, gaz kondensati esa 26,1% kamaygan.
Ayrim qayta ishlangan mahsulotlar ishlab chiqarish hajmi oshdi. Avtomobil benzini ishlab chiqarish yillik hisobda 6% ko‘payib, 614,2 ming tonnaga yetdi, ammo 2024-yil darajasidan 9,1% past bo‘lib qoldi.
Dizel yoqilg‘isi ishlab chiqarish 2,1% oshib, 568 ming tonnani tashkil etdi. Portlandsement ishlab chiqarish 2% ko‘payib, 10,1 million tonnaga yetdi.
Elektr energiyasi ishlab chiqarish 5,7% oshib, 44,14 milliard kVt·soatga yetdi. Kichik biznes generatsiyani 36,7% ko‘paytirdi, yirik korxonalar esa elektr energiyasi ishlab chiqarishni 4,6%, issiqlik energiyasini 18,1% kamaytirdi.
