O‘zbekiston hukumati 7-avgust kuni Rossiyadagi Wildberries ombor infratuzilmasiga hujumlardan so‘ng yetkazib berishlari zarar ko‘rgan mahalliy eksportchilar muammolari bo‘yicha alohida yig‘ilish o‘tkazadi.
Muammoni Xorazm viloyati tadbirkorlari bilan Hukumat komissiyasining ochiq muloqotida to‘qimachilik sohasi vakili ko‘tardi. Uning aytishicha, logistika obyektlarining shikastlanishi yetkazib berishni qiyinlashtirib, eksportning kamayishiga olib kelgan.
Korxonada 300 nafar kishi ishlaydi. U avval yiliga 3 million dollarlik mahsulot eksport qilgan, hozir esa debitorlik qarzi yuzaga kelishi xavfiga duch kelgan.
Bosh vazir o‘rinbosari Jamshid Xodjayev vaziyatni Wildberries rahbariyati bilan muhokama qilganini ma’lum qildi. Hokimiyat 7-avgust kuni platforma vakillari bilan uchrashuvda tizimli yechim tayyorlamoqchi.
Markaziy bank va Vazirlar Mahkamasiga ham o‘zbekistonlik yetkazib beruvchilar oldidagi ehtimoliy qarzdorlik masalasini o‘rganish topshirildi.
