Microsoft Xitoyning Moonshot AI kompaniyasi yaratgan Kimi K3 modelidan Copilotdagi ayrim vazifalar uchun foydalanish imkoniyatini ko‘rib chiqmoqda. Ichki baholash hisoblash xarajatlaridan 600 mln dollargacha tejash mumkinligini ko‘rsatadi.
Kompaniya Kimi K3 modelini Azure bulut platformasi orqali taqdim etish ustida ham ishlamoqda. Gap Copilotni yangi modelga o‘tkazish e’lonidan emas, modelni baholash va unga kirishni tayyorlashdan bormoqda.
Microsoftning qiziqishi inferens xarajatlari — foydalanuvchi so‘rovlarini qayta ishlash uchun zarur hisoblashlar bilan bog‘liq. Arzonroq model, ayniqsa narxi amalda ishlatilgan tokenlarga bog‘liq Copilot Cowork uchun muhim bo‘lishi mumkin.
Kimi K3 — ochiq vaznli multimodal model. Mavjud texnik tavsiflarda uning 2,8 trillion parametri va qariyb 1 mln tokenlik kontekst oynasi borligi ko‘rsatilgan.
Model ayrim ssenariylarda OpenAI va Anthropic yechimlariga mumkin bo‘lgan qo‘shimcha sifatida ko‘rib chiqilmoqda. Microsoft hozirgi yetkazib beruvchilardan to‘liq voz kechishi yoki Moonshot AI bilan hamkorlik tuzgani tasdiqlanmagan.
