Birinchi Mac Pro kompyuteriga 20 yil to‘ldi: Apple uni 2006-yil 7-avgustda taqdim etgani kompaniya xabarida aytilgan.
Model Apple professional ish stoli kompyuterlarining PowerPC’dan Intel protsessorlariga o‘tishini yakunladi. Eng yuqori konfiguratsiya 3 GHz chastotali ikkita ikki yadroli Intel Xeon 5160 protsessorini oldi.
Apple taqdimot paytida yangi kompyuter dastur va vazifaga qarab Power Mac G5 Quad’dan qariyb ikki baravar tez ishlashi mumkinligini bildirgan.
Bazaviy versiyaga NVIDIA GeForce 7300 GT videokartasi o‘rnatilgan. Xaridorlarga ATI Radeon X1900 XT yoki NVIDIA Quadro FX 4500 ham taklif qilingan, tezkor xotirani esa 1 GB dan 16 GB gacha oshirish mumkin bo‘lgan.
Mac Pro Power Mac G5’ning alyuminiy korpusini saqlab qoldi. Sotuv taqdimotdan so‘ng darhol boshlandi, AQSHdagi bazaviy konfiguratsiya $2 499 turardi.
