O‘zbekiston terma jamoasi velosportchisi Nikita Tsvetkov Vengriyada o‘tkazilgan IV Budapest GP xalqaro turnirining omnium bahsida 146 ochko bilan g‘olib bo‘ldi, deya xabar berdi O‘zA.
Sportchi Scratch va Tempo Race poygalarining har birida 40 ochkodan jamg‘arib, ikkala yo‘nalishda ham birinchi bo‘lib marraga yetib keldi.
Tsvetkov Elimination poygasini ham birinchi o‘rinda yakunladi. Hal qiluvchi Point Race bahsida u yana 26 ochko oldi.
Yakuniy natija sportchiga birinchi o‘rin va O‘zbekiston delegatsiyasiga oltin medal keltirdi.
