O‘zbekistonda 2026-yil 1-avgustdan yangi elektromobillar uchun avtokredit foizlarining bir qismini kompensatsiya qilish taklif etildi.
Yordam faqat narxi 1 000 bazaviy hisoblash miqdorigacha, ya’ni 412 mln so‘mgacha bo‘lgan yangi va to‘liq elektrda ishlaydigan avtomobillarga tatbiq etilishi mumkin.
Kompensatsiya qo‘llanadigan kreditning eng yuqori miqdori 300 mln so‘m etib belgilanmoqda.
Davlat 16 foizdan yuqori stavkaning bir qismini, biroq ko‘pi bilan 8 foiz punktini qoplashi mumkin. Kredit yillik 24 foiz bilan berilsa, xaridor amalda 16 foiz to‘laydi.
Tartib hozircha qaror loyihasi sifatida e’lon qilingan. Hujjat qabul qilinmaguncha dastur muddati va shartlari o‘zgarishi mumkin.
